Mapeogunea

Ohiko galderak

• Zer da aktibo bat osasunean?

  ertsonen osasuna edo ongizatea zaintzen, sustatzen edo hobetzen duten aberastasunak, faktoreak edo baliabideak dira. Pertsonen, auzoen eta komunitateen ondarea dira, gure osasuna mantentzen dutenak.

• Zein da osasunaren aktibo baten eta baliabide baten arteko ezberdintasuna?

  Baliabideak lurraldeak ematen ditu eta aktiboak komunitateak identifikatu eta balioesten ditu.

• Zergatik lan egin osasuneko aktiboekin?

  Herritarrengan osasuna babesteko eta sustatzeko faktoreak indartzen dituelako, gaixotasunaren prebentziotik haratago. Ebidentzia dago osasunean eragin handiena duten faktoreak sozialak direla, faktore genetiko edo biologikoen aurrean -azken hauek, gainera, ezin ditugu aldatu-.

• Zer da aktiboen mapaketa?

  Komunitateko pertsona guztien osasunari laguntzen dioten aktiboen balioa jasotzen duen prozesua da. Gure ingurune hurbilean ditugun baliabideak, pertsonak, esperientziak edo ezagutzak dira, eta erabiltzen ditugunak (edo erabil genitzakeenak). Mapeoaren sendotasuna prozesuan bertan dago: taldea, sarea, auzoaren parte-hartzea, jabetzea, aitortza... sortu nahi baititu.

• Nork mapatzen ditu aktiboak?

  Pertsona guztiek mapeatu dezakete. Komunitateko eragile ezberdinak honako hauek izan daitezke: herritarrak, talde profesionalak eta teknikoak, erakundeak, elkarteak, etabar.

• Zer ematen du mapaketa batek?

  Komunitate baten osasuneko aktiboak identifikatzen ditu, loturak sortzeko, komunitatea indartzeko, pertsonen ongizatea eta lurraldearen ezagutza hobetzeko. Gure esku jartzen du aktibo horiek ezagutzeko eta haiekin konektatzeko aukera.

• Zein helburu ditu web orri honek?

  Gure osasuna hobetzen lagun dezaketen tokiko aktiboak (guztion artean identifikatuak eta aitortuak izan direnak) eskura jartzea eta herritarrei eskaintzea. Baliabideen banaketa aztertzea, arloka/zonaka, eta ekintza-guneak identifikatzea, ondoren garatzeko edo indartzeko.